Koło w Piekarach Śląskich – zgpiekary.pl

GODEJCIE!

GODEJCIE

Wszyjscy co kejś za bajtla godali,

choć sôm starsi majôm godać dali!

Cy sie jest posłym, cy derektorym,

szoferym, sklepiorkôm cy dochtorym,

niy trza sie wypiyrać slônski godki,

ani staroska, mamulki, ciotki,

ani wypiyrać swojigo miana,

bo niy pochodzi sie łod bociana,

niy znod nos żodyn w liściach kapusty,

niy wyszczyloł w szisbudzie w łodpusty.

Jeześ Ślônzokym, to mos sie asić,

godać po ślônsku a niy mamlasić,

i bajtli ucyć naszy godki,

by rosło grôno ślônski czelodki.

                                  H.L.