Koło w Piekarach Śląskich – zgpiekary.pl

Zabawa w rymuwanie.

By bez lato gowy niy zarościały proponuja zabawa w rymuwanie. Trza poszukać ślônske słowa wtore podobnie sie godo a znaczôm coś inkszego i ułożyć rymuwanka we śtyrech linijkach. Coby kożdy wiedzioł ło co sie rozchodzi, dom przikłod pora por takich słôw: kamela i kamelki, fôrt i fôrtka abo bigel i bigluwanie. Jak ułożycie tako rymuwanka, to pochwolcie sie tym i wyślijcie na adres meilowy: rymuwanie@o2.pl. Mocie cas do końca siyrpnia. Za nojfajniesze rymuwanki bydôm na podzim nagrody. Życa udanego rymuwanio, nojlepi na świyżym lufcie. I na kôniec przikłod rymuwanek.

Szajba ze szajbkôm.
Szajba łod szajbkôw pochodzi.
Z tym sie zy mnôm kożdy zgodzi.
Bo niyjedny babie szajba łodbijała,
jak sômsiadka w łoknie nowe szajbki miała.

Rym z rymôm.
Ryma na rymach fest sie zno,
ale wiy ło tym mało wto.
Jak niy wierzicie wto co godôm,
niych wtoś przi rymie rym poskłodo.

Comments are currently closed.