KNAP W KNAPSZAFCIE

W funduszu zdrowio pijyndzy jest knap.

Czymu tak sie dzieje? Czymu jest tak?

Downo, downo tymu zrobiyli błônd

i cołko łostuda wziyna sie stônd.

Jak kasy chorych pozakłodali

to wtedy knapszaft na nie godali.

No i wiadomo bydzie czegoś knap.

I to był łod downa dany nôm znak.

Teraz już wiymy, to pijyndzy knap

a cołko medycyna leży na wznak.

Niy pômôg nawet knif jedyn taki

zmiynić nazwa kasy do niypoznaki.

Chorzy łozdrowieć łod tego tego mieli

a dochtory lyczyć by niy musieli.

Piniyndzy niy było i niy bydzie,

chyba że heksa tu zaroz przidzie

i wszystko tu nôm dziś łodcaubruje

a do ministrów herest zrychtuje.

H.L.