Koło w Piekarach Śląskich – zgpiekary.pl

O WYŻSZOŚCI STOJOW CHOPSKICH NAD PAŃSKIMI

Myśla, że richtig fajnie by było

jakby chopskie łachy zaś sie nosiyło,

niy jakieś tam szaty co sôm keby miechy

a do Ślônzokôw powôd do uciechy.

Pytajôm baby – co by z tego miały.

Niy trza sie tropić  bez tydzień cały

co nosić na beztydziyń a co w niydziela,

bo wiadomo baba to niy frela.

Łotwiyro sie śrank  i sie strôj wyciôngo

i sztyjc sie w niym fest gryfnie wyglôndo.

Niy byłoby wtedy już żodny zwady

bo to nojlepszy strôj łod parady:

jakla i kecka i fortuch do tego,

na karku korole … i co lepszego?

Niy musi sie starać, że sie przytyło

bo rubsze chopiônki tu sie cyniyło,

niy chudo flômpka co jôm chop łoddzielo,

a byłoby z tego kupa weselo.

Dobrze by było coby tak sie stało,

by Dziyń Chopionki w kalyndorz sie wpisało,

a nojlepi jak do Piekor idymy

i u Piekarski Paniynki rzykać chcymy.

H.L.